பழனியில் நகராட்சி இடத்தை ஆக்கிரமிப்பு செய்து வாடகைக்கு கொடுக்கப்பட்டதை தட்டி கேட்ட, திமுக கட்சி பொறுப்பாளருக்கு அடி உதை,.. பழனி அரசு மருத்துவமனையில் அனுமதி…
பழனியில் நகராட்சி இடத்தை ஆக்கிரமிப்பு செய்து வாடகைக்கு கொடுக்கப்பட்டதை தட்டி கேட்ட, திமுக கட்சி பொறுப்பாளருக்கு அடி உதை,.. பழனி அரசு மருத்துவமனையில் அனுமதி…
திண்டுக்கல் மாவட்டம் பழனி அடிவாரம் பகுதியில் நகராட்சி சார்பில் கட்டண கழிப்பிடம் செயல்பட்டு வருகிறது. இந்த கழிப்பிடம் பழனி நகராட்சி சார்பில் ஏலம் முறையில் நடத்தப்பட்டு வருகிறது.
இதனிடையே இந்த நகராட்சி கழிப்பிட கட்டிடம் , முன் பகுதியிலும் மற்றும் சுற்றிலும் சிலர் ஆக்கிரமிப்பு செய்துள்ளதாக கூறப்படுகிறது.
மேலும் ஆக்கிரமிப்பு செய்த இடத்தில் கடைகள் அமைக்கப்பட்டு பெரிய தொகைக்கு வாடகைக்கு விடப்பட்டுள்ளதாகவும் கூறப்படுகிறது..
முன்னதாக இந்த ஆக்கிரமிப்பு சம்பந்தமாக அப்பகுதி நகர் மன்ற செயலாளர் சுபா தமிழ்மணி மற்றும் கட்சி பொறுப்பாளர்கள் கேட்ட பொழுது இரு தரப்பினருக்கும் வாக்குவாதம் ஏற்பட்டுள்ளது.
தொடர்ந்து இந்த வாக்குவாதம் கைகலப்பாக மாறி கவுன்சிலர் சுதா தரப்பில் வெங்கடேஷ் கடுமையாக தாக்கப்பட்டார்.
இதனால் அவர் பழனி அரசு மருத்துவமனையில் சிகிச்சைக்காக அனுமதிக்கப்பட்டுள்ளார்.
இதனிடையே எதிர் தரப்பினர் நகர மன்ற உறுப்பினர் மற்றும் அவர்களைச் சார்ந்தவர்கள் தாக்கியதாக கூறி நாடகம் ஆடுவதாக கவுன்சிலர் தரப்பினர் கூறி வருகின்றனர்.
மேலும் அப்பகுதியில் வசிக்கும் சாலையோர வியாபாரிகள் இந்த ஆக்கிரமிப்புகளை அகற்றி நகராட்சியின் மூலம் இப்பகுதியில் வசிக்கும் வியாபாரிகளுக்கு கடைகள் ஒதுக்க வேண்டும் என அப்பகுதியில் கூடிய வியாபாரிகள் மற்றும் பெண்கள் கோரிக்கை விடுத்தனர்.
மேலும் இந்த சம்பவம் பற்றி பழனி காவல்துறையினர் விசாரணை செய்து வருகின்றனர். முன்னதாக திமுக பிரமுகர் தாக்கப்பட்ட சம்பவம் பழனி பகுதியில் பெரும் பரபரப்பை ஏற்படுத்தியுள்ளது..
✍️ திண்டுக்கல் மாவட்ட நிருபர் பழனி பாலமுருகன்
